• Français
  • Occitan

Formacion de formadors (Besièrs)

Hètz-ve formador en lenga e cultura occitanas.

Ua formacion entà un mestièr navèth !

  • Tad animar estagis de formacion, e préner en carga cors “Setmanèrs”. Entà preparar los estagiaris au “Diplòma d’Escapolaire-A2” (diplòma de purmèr nivèu en occitan) e au “Diplòma B2” (diplòma de dusau nivèu en occitan)…
  • Entà ajudar las collectivitats locaus tà la formacion deu lor personau, l’arrevirada, proposicions de visitas guidadas de monuments e d’informacions en occitan, etc.

Qui pòt formà’s ?

Las personas qui an lo sens de la comunicacion e de las relacions umanas, qui mestrejan l’occitan tant a l’orau com a l’escriut, o au mensh qui’u parlan drin e qui son motivadas entà l’apréner.

Aqueras personas qu’an d’aver l’enveja de promòver la lenga occitana e l’ensenhament aus adultes.

La Formacion de formadors au Centre de Formacion Professionau en lenga e cultura Occitanas

Que permet d’aquesir las competéncias-claus deu mestièr de formador en lenga e cultura occitanas, tant vau díser qu’a la fin deus 10 mes de formacion, cada estagiari que serà capable :

  • D’animar sessions de cors en sala dab ua mesa en situacion pedagogica progressiva concreta (participacion e animacion deus “Estagis PARLAR” e Setmanèrs),
  • De preparar las soas intervencions en autonomia,
  • De concéber ua accion de formacion deu debut a la fin en occitan, entà ensenhar l’occitan aus adultes.

Ua formacion completa en ua annada escolara

La formacion de formadors “PARLAR” que comença au mes de seteme entà acabà’s au mes de julhet seguent. Qu’altèrna setmanas d’estagis teorics en centre a Besièrs (33 setmanas), e setmanas de practicas professionaus enquadradas per formadors deu CFPÒ (9 setmanas).

Tà’n saber mei, rendetz-ve directament suu site deu noste partenari, lo CFPO Lengadòc.