• Français
  • Occitan

Formacion continua deus salariats

Ua formacion professionau en occitan ? Òc !

Enterpresas, associacions, collectivitats : que desiratz formar lo personau vòste a la lenga e a la cultura occitanas ?

Lo CFPÒC Novèla Aquitània, organisme de formacion aprovat (enregistrat dab lo n° 72640197764 – referençat DataDock 0002667), que hica lo son saber-har a la vòsta disposicion e que fòrma depuish 1999 en Aquitània tota nombrós professionaus dab la mira de desvolopar las lors competéncias lingüisticas e provedí’s atau d’un atot unic entà la lor carrièra, qué que’n sia lo maine.

Aqueras formacions que pòden estar:

  • Individuaus
  • Collectivas
  • Suus sites partenaris nostes
  • Dens los locaus vòstes
  • Dens los locaus nostes
  • Personalizats entà tota enterpresa qui nse’n hè la demanda :
  • Collectivitats : qu’ètz emplegat/da de la foncion publica territoriau, a l’escala comunau, departamentau, regionau o nacionau : que podetz desvolopar las vòstas competéncias en lenga occitana entà escambiar miélher dab los usatgèrs, e/o evoluar professionaument.
  • Comèrci : la vòsta enterpresa que desira melhorar la soa visibilitat e har vàler los sons produits o servicis mercés a un emplec eficaç e corrècte de la lenga occitana : que trobaratz ací solucions au desvolopament qualitatiu de la vòsta activitat.
  • Cultura : qu’ètz un actor culturau polivalent e que cercatz de variar la vòsta garba culturau e lingüistica : que trobaratz ací un interlocutor qui responerà a las vòstas atentas.
  • Sociau & Santat : lo centre o organisme vòste que cèrca personas que poscan compréner e escambiar dab personas de la region en la lenga deu país : melhoratz las vòstas competéncias oraus entà integrar-las miélher en la vòsta practica professionau de tot dia.

 

Avetz un projècte ?

Que’vs podem ajudar a’u concretizar. Contactatz los nostes responsables pedagogics.

Har finançar la soa formacion

Si los cas son divèrs, las possibilitats de finançament de formacion que’n son nombrosas tot parièr. Que trobaratz a còp segur dens aqueth liberet ua solucion de finançament de la vòsta formacion professionau en occitan :

Léger : Finançament Formacion Professionau

Liberet perpausat per :

logo topformation