• Français
  • Occitan

Collectivitats

L’occitan : cap a mei de coesion sociau suu territòri

Qu’ètz emplegats de la foncion publica territoriau, a l’escala comunau, departamentau, regionau o nacionau : que podetz desvolopar las vòstas competéncias en lenga occitana entà escambiar miélher dab los usatgèrs, e/o evoluar professionaument.

Mantuns organismes que ns’an dejà hèit hidança :

Pyrénées Atlatiques
Oloron Saint-Marie
Communauté des Communes de Lacq-Orthez

Testimònis :

Carine F.

Responsabla Archius Departamentaus deus Pirenèus Atlantics.

Tot purmèr, aqueth aprentissatge qu’ei estimulant entà la cerimana. Qu’ei tostemps un plaser de descobrir de navèras causas. E puish lo grop qu’ei hòrt charmant e que soi urosa de tornar en cors cada setmana.
De mei, uei, lo CFPÒC Novèla Aquitània que m’ajuda a desvolopar, en lo servici educatiu deus Archius Departamentaus, ua navèra auhèrta pedagogica en occitan entà har descobrir lo patrimòni e l’Istòria locau aus mainats.

témoignage salariée en formation continue occitan

Nicolas L.

Direccion Vita de la Ciutat – Animator Joenessa a la Maison Comuna d’Auloron Senta Maria.

L’occitan que m’apòrta lo plaser de parlar la lenga deus pairs e ajòus… Plaser de har bronir e cantar aquera lenga au dehens, plaser de descobrir çò que contan los noms de lòcs a l’entorn de jo, çò que conta la lenga sus aquera faiçon d’estar au monde deu Biarn estant… L’occitan, qu’ei excitant… Gaujor de véder lo hilh qui ei en Calandreta de sentir aqueth plaser de’m transméter aquera lenga…

Lo CFPÒC Novèla Aquitània que m’a aportat un quadre, ua regularitat dens los cors, […] la gaujor d’apréner dab un professor qui parla tanben au còr e au còs, la gaujor d’apréner amassa, per aqueth camin de reapropriacion de la lenga e de la cultura occitana…

témoignage salarié en formation continue occitan

Har finançar la soa formacion

Si los cas son divèrs, las possibilitats de finançament de formacion que’n son nombrosas tot parièr. Que trobaratz a còp segur dens aqueth liberet ua solucion de finançament de la vòsta formacion professionau en occitan :

Léger : Finançament Formacion Professionau

 

Avetz un projècte ?

Que’vs podem ajudar a’u concretizar. Contactatz los nòstes responsables pedagogics.

Liberet perpausat per :

logo topformation