• Français
  • Occitan

Eveniments

L’occitan : au còr deus eveniments en Novèla Aquitània e Occitania tota

La lenga que tien ua plaça importanta, e qu’ei mei que mei au parat de manifestacions numerosas e autes eveniments qui la caracterizan que l’encontram :

Asta’Folk :

En préner per quadre lo vilatge d’Astafòrt (au sud d’Agen), lo hestau Asta’Folk que planta lo son decòr a las pòrtas de Gasconha e que hè naturaument la part bèra a las danças, musicas e cantas deu « Sud-Oest »… en tot obrí’s a repertòris deus « país » vesins (com Peitiu) o mei luenhecs (com lo Nòrd-Est bresilenc).

Escambilingüe :

Qu’ètz pairs d’un mainat qui frequenta ua classa bilingüa occitan en Aquitània o sus l’espaci occitan…

Qu’ètz regent bilingüe o que v’aprestatz entad ac vàder, qu’ètz professor en collègi, licèu, ESPE o facultat…

Qu’èm ua associacion de pairs e d’ensenhaires. E si prenèm lo temps d’un encontre, har coneishença, escambiar, partatjar, imaginar l’aviéner amassa…

Organizat per ÒCBI Aquitània, Associacions per bilingüisme Francés-Occitan dens l’ensenhament public.

Escòla occitana d’estiu :

L’Escòla Occitana d’Estiu, associacion lei 1901, foguèt creada en 1976 per tres occitanistas locals, Marcèu Esquieu, Crestian Rapin e Joan Rigouste. Dempuèi 2009, l’associacion es tanben la seccion departamentala de l’Institut d’Estudis Occitans (IEO).

Fifres de Garonne :

Los Sos-Pifres de Sent Pèir, qu’ei ua associacion tà la valorizacion deu patrimòni musicau tradicionau Gascon, qu’ei ua Ripataulèra futurista, qu’ei un projècte de transmission e d’animacion.

Hèsta d’Ornon :

La Hèsta d’Ornon qu’a idèia de har descobrir o tornar descobrir la cultura e la lenga occitana aus abitants de la CUB e d’alhors.

Maraton de la canta :

Lo Maraton de la canta qu’ei ua manifestacion organizada de 2013 ençà. Que’n podetz trobar las edicions precedentas qui’s debanèn a : Castethins en 2013 ; Lanaplan en 2014 ; Valensun en 2015 ; Salas de Baura en 2016 ; Bonnut en 2017.

Quinzena occitana :

Lo hestau « Quinzena occitana en Lot-et-Garonne » qu’a per mira de sensibilizar, desvolopar e promòver la lenga e la cultura occitanas suu departament d’Òlt-e-Garona. Entad ac har, cada annada que s’organizan, sus un quinzenat de dias (en Març o Abriu), concèrts, passejadas, projeccions, intervencions escolaras, representacions teatraus, conferéncias, formacion, …

Calam Bearnès

Calams Bearnés : Concors literari de creacion e arrevirada en occitan de Gasconha.

campestral

Campestral : rendetz-ve de non pas mancar de la dança e de la musica occitanas de 1976 enlà en Òlt e Garona.

carnaval biarnes

Carnaval Biarnés : Aquera manifestacion qu’ei pregondament autentica. Purmèr, pr’amor qu’arrespècta las datas tradicionaus. Arron, pr’amor en tot emparà’s sus l’identitat biarnesa, que hè rampèu a l’uniformizacion generau en la quau e s’esbarreishen hèstas autas…

estivada de Rodez

Estivada de Rodés : Rodés, capdulh d’Avairon, en tot arcuélher l’Estivada de vint ans ençà, que vadó au briu deus ans, la capitala d’un país shens frontèras, shens armadas ni Estat e definit sonque per la soa lenga e la soa cultura : Occitania…

Rodés, cap-luòc d’Avairon, en aculhissent l’Estivada dempuèi vint ans, es venguda al fial dels ans la capitala d’un país sens frontièras, sens armadas nimai Estat e definit sonque per sa lenga e sa cultura : Occitània…

Festival de Sirros

Hestau de Siròs : Hestau de la canta e de la cultura biarnesas. Mei de 50 ans d’existéncia !

Mascaret occitan

Hestenau Mascaret : Hestau occitan de Bordèu.

Hesteyrade de Bigorre

Hesteyade de Bigorre : 1975… Lo comitat de las hèstas d’Ibòs, qui a per membres musicaires e dançaires folclorics, que decideish d’animar, en associacion dab los conscrits, lo passa-carrèra tradicionau lo dia de Sent Laurenç…

Qu’ei tà la Bigòrra lo hestau de la canta e de la lenga, l’equivalent deu Hestau de Siròs en Biarn

Hestiv'Oc

Hestiv’Òc : De 2005 ençà, las Musicas e Culturas deu Sud que s’encontran cada estiu en Biarn (Pirenèus Atlantics), la dimenjada arron lo 15 d’aost…

Festival Nas de Guit

Nas de guit : “Nas de Guit” qu’ei un hestau de musica occitana actuau au Bocau-Vielh…