Facebook
    LinkedIn
    YOUTUBE
  • Français
  • Occitan

Cultura occitana / Associacions

Los actors partenaris de la cultura e associacions a l’entorn de l’occitan

Actors variats promovent l’occitan dens lo parçan :

logo art òc

Art’Òc :

Aquera associacion culturau qu’a per mira d’acompanhar, de desvolopar e de promòver tota produccion artistica occitana (cinèma, audiovisuau, musica, fotografia, literatura, etc.).

L’associacion que poderà produíser e distribuir realisacions de tot tipe en lenga occitana o sus subjèctes qui tractan deu territòri occitan.

L’associacion que poderà organisar eveniments culturaus e artistics dab la mira de sostiéner las accions citadas abans. Aqueras accions que poderàn har l’objècte d’activitats economicas.

logo bohaires de gasconha

Bohaires de Gasconha :

L’associacion Bohaires de Gasconha qu’amassa los bohaires, hasedors, ensenhaires e melomanes de la BOHA (cornemusa de las lanas de Gasconha).

L’Associacion aperada “BOHAIRES DE GASCONHA” – fondada en 1993 – qu’a per mira de desvolopar la practica e l’expression de la Boha (cornemusa de las lanas de Gasconha) e de tots los instruments de musica de vent de tradicion populara gascona.

logo cant i danç morlanés

Cant’i danç morlanés :

Après aver passat mantuas annadas devath l’ala benvolenta deu CLUB deus JOENS de Morlaàs, duas seccions : LA CANTE MOURLANÈSE (cantas) 35 ans d’existéncia dab aqueth nom !!!

e LES SAUTERIQUENTS (danças tradicionaus Bearnesas e Gasconas) que decidèn de s’aviar cadua de sengles costats. Atau que vadó l’assocacion : CANT’I DANÇ MORLANÉS lo 29 de Junh de 2009.

CLAB : Conservatòri deus Legumes Ancians deu Biarn

Lo Conservatòri deus Legumes Ancians deu Biarn qu’estó creat dab la fòrma d’ua associacion Lei 1901 au mes de julhet de 2013. Qu’amassa diferentas personas implicadas de faiçon professionau o amateur en maines qui tòcan a las diferentas dimensions deu projècte e qui desiran contribuir a l’animacion locau e au desvolopament d’aqueste territòri.

Compagnie Lilo

Compagnie Lilo :

Comedian formator de doblatge en occitan


doublage occitan

Conta’m :

La mission principau de l’associacion qu’ei de produsir filmes d’animacion en lenga occitana e de’n assegurar la distribucion.

Conta’m qu’ei sostenguda per las Regions  Navèra Aquitània e Occitania, l’Ofici Public de la Lenga Occitana, lo Conselh Departamentau deus Pirenèus-Atlantics, l’Educacion Nacionala e Lo Prefècte de la Region Occitània.

Conta’m qu’ei sòci de la Fimoc e de l’Ostau Bearnés.

Gascon Lanas

GASCON LANAS, lo Gropament Associatiu per la Sauvaguarda de la Cultura Occitana dens las Nòstas Lanas, creat au començament de l’annada 2000 preu nòste purmèr president, lo Maurici GASSIE, de Monthòrt, a la demanda deu Conselh Generau de las Lanas, es ua federacion qui amassa 13 associacions e 22 membres individuaus o cobles (en 2015) dont la mira qu’es de tot hicar en òbra e de coordonar los sons esfòrç entà sauvaguardar e har víver lo gascon dab un triple prètzhèit :

  • perméter la transmission deu son eretatge lingüistic e culturau, partida integranta deu patrimòni landés (ua quinzenat de cors de lenga que son alargats hens las Lanas)
  • valorizar e permàver las composantas ricas d’aquera cultura (contes, literatura, téatre, musica, cant, jòcs e espòrts tradicionaus, espectacles)
  • non pas deishar marginalizar las Lanas en matèria d’identitat culturau

Per aquò, las associacions membres que pòden utilizar totas las competéncias de Gascon Lanas que sii au punt de viste financèr com organizacionau.

Au plasèr de v’arcuélher… Que síim lo mei numerós possible !

Gascons de Biscarròssa :

Aquera associacion qu’a per mira :

– de participar a la sauvaguarda e a la promocion de la cultura populara gascona ;

– de favorizar l’expression d’aquera cultura per la lenga, lo teatre, la canta, la dança e tota auta fòrma artistica o tradicionau ;

– de desvolopar e facilitar, si hè besonh de crear relacions e escambis dab d’autas associacions, organizacions o moviments analògues per encontres, estagis, sortidas o manifestacions divèrsas en rapòrt dab la cultura o tradicion gascona. Qu’a per mira l’espelida de cadun deus sons membres, que parle un chic, hèra, o pas briga lo gascon mès qu’aima la soa istòria, lo son parlar, la soa cultura.

InOc

InÒc :

L’InÒc Aquitània, qu’ei l’operator de las collectivitats entà crear o tornar crear un environament favorable a la practica de la lenga occitana en las soas variantas aquitanas (gascona, lemosina, lengadociana) : de l’avaloracion deu patrimòni toponimic dinc a la terminologia en passar per la traduccion-conselh e l’afichatge de la lenga en l’espaci sociau.

La Cabòca :

Ua navèra hont d’animacions en occitan en Sud Gironda !

La maison de la Dauna de Brassempoi :

Lo vilatjòt de Brassempoi que’s tròba en Shalòssa, au sud deu departament de las Lanas. Aporicat suus costalats qui bordejan la vath deu Lui de França, qu’es un vilatge ric deus testimònis de la soa istòria.

logo l esquireta

L’esquireta :

Associacion de Lescar tà har valer la cultura biarnesa.
Que perpausam, talhèrs de dança, canta.
Tanben que perpausam cors de musica entaus mainatges.
Tot au long de l’annada qu’organizam hèstas com la St Jan, la Dòba, la serada de l’Esquireta.

Ligams : Qu’ei hèra simple, Ligams qu’ei ua associacion qui a per objectiu de har ligams !! 🙂

siular aas

Lo Siular d’Aas : Associacion promovant lo lengatge siulat deus aulhèrs d’Àas, la soa coneishença, lo son aprentissatge e la soa transmission.

Menestrères gascons

Menestrèrs Gascons : Associacion d’artistas musiciens, cantaires e dançaires promovent la transmission deu patrimòni artistic occitan peu mejan d’estagis, de cors, e autas intervencions.

Musèu Joana de Labrit :

Lo Musèu Joana de Labrit, istòria deu protestantisme bearnés, que v’invita a descobrir quate sègles d’istòria en Bearn, de las originas de la Refòrma dinc au començament deu sègle XXau. Alotjada hens la Maison de Joana de Labrit, ua mansa borguesa deu sègle XVau au còr de la vila d’Ortès (Pirenèus Atlantics), l’exposicion permanenta que conta lo caminament estonant deus huganauts, en seguir los eveniments bearnés e francés.

formation occitan pour salariés et associatifs culture

Ostau Bearnés : Despuish mei de trenta ans, l’Ostau Bearnés que tribalha au sostien e a la promocion de la lenga e de la cultura occitanas, en la lor expression biarnesa. Enrasigada a Pau, la Maison de la Cultura Biarnesa qu’amassa las associacions culturaus biarnesas e qu’afavoreish atau la coordinacion e l’escambi en un esperit d’amistat, d’obertura e de tolerància.

Ostau Marmandés (ATP)

Lòc de vita e de difusion deu patrimòni immateriau noste : Las activitats de l’associacion nosta que son multiplas e que participan a la sauvaguarda e a la difusion deu patrimòni immateriau noste.

Los membres de l’associacion nosta que pòden participar aus diferents talhèrs perpausats : cors de lenga, velhadas gasconas, teatre, canta polifonica. Que permeten de practicar e de sauvaguardar la lenga occitana, classificada au patrimòni immateriau de l’Unesco en via d’extincion. Los talhèrs d’acordeon, las repeticions musicaus, las danças tradicionaus, lo teatre gascon, la canta que mantienen aqueras practicas de tradicions oraus que ns’an legat los davancèrs nostes.

Quilhas de nau :

Aqueste siti que’vs presenta eras Quilhas de 9. Aqueste espòrt (hèra originau aparentat dab eth bowling i era petanca) que’s pratica peth Sud-oest de França i que demora pro chic conegut deth gran public.

Que vatz descobrir aqueste jòc hòrt complexe i saber a on i podetz har, o sonque espiar a i har.

Quilhas de Sheis :

Que trobaratz sus aqueste site tota l’actualitat de las Quilhas de Sheis : calendari, resultats de las competicions, classaments, fòtos e diferents articles de premsa… Bona visita !

Tiss’liens 64 :

Tiss’liens 64 qu’a per mira de crear ligams, solidaritat enter las personas, las associacions o organismes divèrs, e d’ajudar o de promòver tota activitat creant ligams sociaus intergeneracionaus o amiant un sostien materiau o morau.

Associacions (dont sòcias dab convencion) :

Xa Gasconha

Ací Gasconha : L’associacion que s’ei dat per vocacion de préner en carga, en la mesura deus sons mejans tot çò qui pòt pertocar la lenga, la cultura, lo patrimòni gascons, especiaument dens l’Aglomeracion Còsta Basca Ador (Baiona, Anglet, Biàrritz, Lo Bocau), lo Baish-Ador.

Amicale Laïque Populaire POUILLON

Amicale Laïque Pouillon : L’Associacion nomentada “AMICALE LAÏQUE – FOYER DES JEUNES ET D’EDUCATION POPULAIRE ” qu’estó creada a Polhon en deceme de 1946 e publicada au Jornau Oficiau lo 11 de genèr de 1947. Que s’ageish d’ua Associacion d’Educacion Populara regida per la lei deu 1èr de julhet de 1901.

Asson Association

Asson Animation : L’associacion qu’a per tòca : d’organizar manifestacions artisticas, culturaus, esportivas, artisanaus e comerciaus ; de favorizar lo desvelopament economic e toristic deu vilatge d’Asson ; de constituir un hialat vast de relacions enter los poblants de la comuna d’Asson.

chancaires échassiers

Chancaires de St Pé de Léren : Aus estremaus deus gaves de Pau e d’Auloron, los Chancaires que s’i hèn dempuish shishanta ans tà la transmission de la cultura nosta : danças, cants e chancas taus petits e grans, creacion d’espectacles, escòla de musica, cors de lenga…

Groupe CREPA

CREPA : Objècte de l’associacion : organizar escambis escolars, esportius, culturaus ; favorizar l’organizacion d’encontres, visitas o sedenças de grops qui poscan aviar ligams culturaus e d’amistat enter diferents país e regions.

Cultura de Noste

Cultura de Noste : La nosta associacion qu’amassa los promotors de la nosta cultura e de la nosta lenga bearnesa. Qu’organiza cors de lenga dab l’ajuda deu CFPÒC, obraders de canta, de dança e tanben manifestacions divèrsas entà har víver la nosta cultura, en sostien a la Calandreta.

esquirot

Esquiròt : L’ associacion qu’a per tòca : * de promòver l’ensenhament bilingüe francés-gascon en los establiments escolars publics de Sent Martin de Senhans ; * d’organizar e de participar a activitats extraescolaras entà valorizar e difusir la lenga e la cultura occitana.

Foyer rural de Montardon

Foyer Rural de Montardon : Lo Larèr Rurau de Montardon que perpausa mantuas activitats culturaus e esportivas, au demiei de las quaus cors d’occitan deu Biarn.

reveil sauvagnonnais

Le Réveil sauvagnonnais : Lo Desvelh Sauvanhonés qu’ei ua associacion shens but lucratiu, gerida per benevòles. Qu’ei afiliada a la LIGA de l’Ensenhament 64 e a d’autas Federacions esportivas.

logo-parlem-en-aussau

Parlem en Aussau : Mesa en plaça de cors de biarnés entaus adultes e tota accion a favor de la lenga biarnesa en la vath d’Aussau.

Pèt de Gat

Pè de gat : L’associacion qu’a per tòca la sauvaguarda, lo desvelopament e la mesa en valor de la lenga e de la cultura gasconas. Las soas activitats que son : talhèrs entaus mainats, toponimia, organizacion de manifestacions.

Transmetem

Transmetem : Promocion, difusion e aprentissatge de la lenga biarnesa e mesa en plaça de las activitats de tipe educatiu, esportiu e culturau qui emplegan la lenga occitana deu Biarn e de Gasconha.