• Français
  • Occitan

Ressorças en lenga

L’occitan : ressorças en linha, a portada de clic

Dobtes sus mots ? Expressions ? Fòrmas de conjugason ? En cèrcas d’ua maison d’edicion, de tèxtes, de parucions divèrsas en occitan ? Aquera seccion que v’orientarà cap a totas las ressorças de non pas mancar en occitan en linha.

CAP'OC

CAPÒC : Creat en 2001, lo CAP’ÒC, Centre d’Animacion Pedagogica en Òccitan, installat a Pau hens los locaus de l’ESPE, qu’ei un servici de la Direcion Territoriau deu Hialat Canopé entà las academias de Bordèu, Lemòtges e Peitius. Integrat au Hialat Canopé, lo CAP’ÒC qu’a per missions :

  • L’edicion
  • La creacion de materiau pedagogic
  • La mesa a disposicion de ressorças
  • L’animacion de projèctes
  • La formacion iniciau e continua deus ensenhaires
  • L’acompanhament de las politicas lingüisticas.

CIRDÒC :

Lo CIRDÒC es l’establiment public a vocacion interregionala cargat de la salvagarda, de la promocion e de la difusion del patrimòni e de la creacion occitans.

logo-diu-negre

Diu Negre :

Diu Negre, qu’ei un endret totaument obèrt dedicat a l’escritura e la lectura de Sciéncia Ficcion, Fantasia, Policièr e Fantastic en lenga occitana e catalana (o autas). Qu’i poderatz léger novèlas, articles, criticas qui pertocaràn aqueths genres, shens autes limites que los impausats per l’imaginacion.

La nosta volontat qu’ei de balhar a l’expression creativa, qué que sii la lenga, ua veirina de mei, shens d’autas pretencions que d’ajudar e d’encoratjar la produccion literari. Tots los tèxtes qui’ns seràn perpausats que seràn corregits (s’ei necessari) e publicats.

InOc

InÒc (pòle Lenga & Societat) :

L’InÒc Aquitània, qu’ei l’operator de las collectivitats entà crear o tornar crear un environament favorable a la practica de la lenga occitana en las soas variantas aquitanas (gascona, lemosina, lengadociana) : de l’avaloracion deu patrimòni toponimic dinc a la terminologia en passar per la traduccion-conselh e l’afichatge de la lenga en l’espaci sociau.

La FaBrica :

La FaBrica es lo portal de la creacion occitana actuala :

I trobaretz un repertòri d’artistas e de creacions occitans, una agenda collectiva dels eveniments occitans, d’articles d’actualitat, de ressorsas prò pels actors de la creacion e la difusion de la cultura occitana.

Lo projèct es desvolopat e administrat pel Centre Interregional de Desvolopament de l’Occitan CIRDOC , establiment public cargat de la salvagarda, de l’estudi e de la valorizacion del patrimòni cultural occitans. Los contenguts son produsits o meses a disposicion per l’ensemble dels partenaris contributors al projècte (Véser “La Banda” de La FaBrica).

formation occitan pour salariés et associatifs culture

Lo Congrès : Lo Congrès qu’ei l’organisme interregionau de regulacion de la lenga occitana. Qu’amassa las institucions e las federacions istoricas occitanas e que’u sostienen las collectivitats e lo Ministèri de la Cultura e de la Comunicacion – DGLFLF.

Medialingua :

Site qui auhereish ua seleccion de ressorças primàrias (vidèo e audiò) dab la mira d’ua expleitacion pedagogica entà l’aprentissatge de las lengas vivas.

Per Noste edicions

Per Noste :

* MIRA DE L’ASSOCIACION : Desvolopament de la lenga e de la civilizacion occitanas de Gasconha.

* EDICIONS : Mei de 100 títols editats despuish la fondacion de l’associacion. Autors nombrós, en francés, en occitan o bilingües.

* BIBLIOTÈCA PUBLICA : Situada au locau de l’associacion. Mei de 2200 títols disponibles. Revistas occitanas nombrosas (colleccion de País Gascons arreligada, colleccion de la revista Reclams etc.). Accessibla au public a las òras d’obertura de l’associacion.

Reclam

Reclams : En mei d’estar ua maison d’edicion, Reclams qu’ei ua revista literària en lenga occitana. La pròsa, la poesia, los ensais, las criticas que i son presents. Que publica los autors contemporanèus com Joan Loís Baradat, Joan-Frederic Brun, Eric Gonzalés, Sèrgi Javaloyès, Sèrgi Labatut, Lionèl Labòrda, Didièr Tosís e los grans autors uei lo dia desapareishuts com Robèrt Lafont, Bernat Manciet, Albèrt Peyroutet ; los classics de las prumerias deu sègle 20 au Miquèu de Camelat, Simin Palay, Julian de Casabona, Joan Victòr Lalana, etc. E tanben, los autors occitans e catalans de tots los parçans d’Occitània ; los joens engenhós de pertot.

logo-sapiencia

Sapiencia :

Sapiéncia.eu es la primièra revista digitala en occitan de sciéncia e istòria. Las collaboracions son dubertas a totes !

Trobar Aquitània :

Trobadors d’Aquitània, l’art daus poètas-musicians de lenga d’òc

L’InÒc Aquitània & Trobadas, en partenariat damb la BnsA, vos prepausan de descobrir las figuras aquitanas màgers de l’art dau trobar.

Arribatz a las ressorsas numericas de l’eretatge deus princis trobaires de mots e de sons. Descobritz tota l’actualitat de lura interpretacion.