• Français
  • Occitan

Mèdias

L’occitan : mèdias entà ua informacion e un ligam sociau enter los sons locutors e lo monde

Que sia television, ràdio, o premsa, arretrobatz ací los divèrs mèdias qui existeishen en occitan :

Oc télé

Òc Tele :

Purmèr canau de television en linha en occitan.

Aran TV :

Television per Internet deth Conselh Generau d’Aran. Tanben se pòt vèir es madeishi contenguts a trauès dera TDT (Canal 51 ena Val d’Aran en Lleida TV).

logo-fimoc

Fimòc :

Aquesta federacion associativa qu’a per tòca d’arrecaptar l’ensemble deus mèdias de l’economia sociau e solidària qui causeishen, estatutariament, dens lors supòrts respectius, de promòver e de difusar la lenga e la cultura occitanas.

A per objècte d’èstre un organ que permet la representacion, lo sosten, la concertacion, la mutualizacion dels mejans tecnics e umans dels mèdias sòcis. Participa activament a la reflexion sul desvolopament del sector, amb la creacion d’otisses de trabalh e de projèctes collectius.

Qu’ètz un mèdia que valoriza la lenga e la cultura occitana ? Juntatz-nse !

Blog hadiu :

Productora de programas ràdio En Ondas, Jòclong, E n’ètz d’avís ? en podcasts e en modulacion de frequéncia (un miei dotzenat de ràdios en MF, e ua web ràdio en Gasconha).

logo-motsdocFB

France Bleu Béarn (64) : EMISSION Les mots d’òc

Deu diluns au divés a 7h20. Lo dissabte e dimenge a 8h20.

Descobritz la lenga d’òc autadament dab Pèir Salas. Que’vs conta istuèras e contes arridolents en tot ligar la lenga d’òc e lo francés e que hè vàder la cultura locau accessibla a tots.

logo-anousteFB

France Bleu Gascogne (32-40-47) : EMISSIONS A noste + France Bleu en gascon

A noste, lo dissabte a 10h40 sus France Bleu Gascogne dab Isabelle Loubère

France Bleu en Gascon :Deu diluns au divés a 6h25 e 12h50. Un mot en gascon, un site de tornar descobrir en Gasconha, ua tradicion, ua legenda, un plat tradicionau… Qu’es France Bleu en Gascon dab Isabelle Loubère.

France Bleu Périgord (24) : EMISSIONS Meitat Chen Meitat Pòrc + Le Dict’òc

Meitat chen meitat pòrc, l’emission en occitan de France Bleu Périgord, que s’arretròba lo dimenge de 11h a mieidia. Aqueste magazine qu’ei presentat per Joan-Pau Verdier et Nicolas Peuch.

Le Dict’Oc de Joan Pau Verdier. Deu diluns au divés a 16h10. Arretrobatz cada dia un arreproèr en Occitan dab Joan Pau Verdier.

logo-claudoc

La clé des Ondes (33) : EMISSION La Clau d’òc

« La Clau d’òc » es una emission, puslèu en gascon mes tanben en francés, que podetz escotar cada permèir e tresau dijaus de cada mes, enter 7 e 8 òras (deu seir, solide), suu 90.10 (sus la Cub a la gròssa) o suu siti www.lacdo.org  de la radio « la Clé des Ondes ». Vòu portar testimoniatge de la vitalitat e de la riquessa culturau en lenga d’Òc, sus las nocions de partatge e de convivéncia en çò de nosautes. Aquesta emission vs’es perpausada per duas associcions occitanas, l’IEO-Gironda-Ostau-occitan e l’Estaca, cèrcle occitan de Pessac e deu bordalés. La còla de l’emission a volut hargar un siti en ligam dab çò que podetz enténer sus las ondas, per poder contunhar los escambis.

logo-re2m

Radio Entre 2 Mers (33) : EMISSION Adishatz

ADISHATZ (dens l’Entre duas Mars)

Cada dimars de 6 òras del vèspre a 7 òras escotatz una emission en occitan e en francés, « Adishatz ». Amb d’entrevistas, de badinadas, de gastronomia, de musicas gasconas, de jòcs… D’ausir en podcast sus Internet: http://www.radio-entre-2-mers.com/podcasts/.

A lèu Amics !!! L’émission es tornada difusir lo dissabte a 9h.

Radio Oloron

Radio Oloron (64) : Purmèra ràdio deu Biarn, Ràdio Auloron que perpausa sessions d’informacions locaus e qu’ei lo relais indispensable entà anonçar las manifestacions. Los programas musicaus que son hèra presents e intergeneracionaus ; que van deu Punk a l’acordeon, de la tecnò au reggae, de las annadas 40 au rap.

Ja que Ràdio Auloron e cobresca un sarròt d’eveniments, quate eishs que’n son essenciaus tà l’associacion : la cultura, l’espòrt, la lenga locau e los escolans.

formation occitan pour salariés et associatifs culture

Ràdio País (32-40-64-65) : Ràdio País qu’estó creada en Biarn en 1983 au moment de la neishença de las ràdios libras. Qu’ei difusada en Biarn, en Bigòrra e en Gèrs. Las miras de la federacion que son :

  • promòver la lenga e la cultura d’òc en Gasconha peus mejans audiovisuaus.
  • assegurar de hèit lo servici public de radiodifusion en occitan. Qu’ei ua ràdio independenta e bilingüa qui a per tòca de dar prioritat a l’expression en occitan-gascon mès tanben d’èster la votz de la vita locau e, enter autas per sa programacion musicau, de’s har lo relais d’autas culturas minoritàrias.
logo-aci-quem

Souvenirs FM (40) : EMISSION Ací Qu’èm + Lo pòdcast

Ací Qu’èm qu’es ua emission bilingüa gascon-francés. Entà difusir la cultura nosta, las tradicions nostas, la lenga nosta e divertir-vos dab las mei beròjas cançons nostas.

Qu’ensajam de’vs balhar la hami de conéisher, de’vs brembar, l’istòria nosta, la cultura nosta, las tradicions nostas, las bonas recèptas nostas e de practicar la tan beròja lenga nosta.

Dab beròjas cançons de noste qu’ensajam de’vs har saunejar…

formation occitan pour salariés et associatifs culture

La Setmana / Vistedit : La Setmana qu’ei un setmanèr sancerament en lenga occitana editat per la societat Vistedit despuish 1995. La societat que publica tanben Plumalhon e Papagai.

Lo Jornalet

Lo Jornalet : L’informacion panoccitana.

Lo Diari

Lo Diari : LoDiari.com qu’ei a l’encòp lo site deu Diari e lo de l’IEO MP. Que i trobaratz informacions, articles, tota l’actualitat viva deu hialat IEO e d’aulhors !

Pais Gascon

País Gascons : La revista País Gascons qu’ei ua revista generalista dab tèxtes literaris, poesia, istòria, cronicas regularas : parlar plan, libes, cosina, ecologia, tèxtes de mainats, mots crotzats…

Reclam

Reclams : En mei d’estar ua maison d’edicion, Reclams qu’ei ua revista literària en lenga occitana. La pròsa, la poesia, los ensais, las criticas que i son presents. Que publica los autors contemporanèus com Joan Loís Baradat, Joan-Frederic Brun, Eric Gonzalés, Sèrgi Javaloyès, Sèrgi Labatut, Lionèl Labòrda, Didièr Tosís e los grans autors uei lo dia desapareishuts com Robèrt Lafont, Bernat Manciet, Albèrt Peyroutet ; los classics de las prumerias deu sègle 20au Miquèu de Camelat, Simin Palay, Julian de Casabona, Joan Victòr Lalana, etc. E tanben, los autors occitans e catalans de tots los parçans d’Occitània ; los joens engenhós de pertot.