L’occitan present en la vita socio-economica
Puish a que la lenga – e l’occitan que n’ei, solide – n’ei pas ua fin en sí mès un vector, un ligam qui ac liga tot au miei d’ua diversitat, que s’arretròba naturaument en l’espaci socio-economic :
Adishatz : Que bategèm la nosta gama de vestits ADISHATZ ® pr’amor qu’ei probablament lo mot d’occitan de Gasconha (o gascon) que’ns torna lo mei sovent a l’aurelha, a despart de « hilh de p…. ! » o « diu vivant ! ». Qu’avem per motivacion de transméter peu mejan deu vestit un cèrt espiar meilèu pigalhat d’umor mei o mensh hissaire.
Arraditz :
Installat au pè deus embarris de la ciutat medievau de Lescar, au ras de Pau, lo restaurant ARRADITZ que liga lo passat au contemporanèu en un decòr navèth e rafinat.
Desirós d’arretrobar las lors arraditz biarnesas, la Karine e l’Olivier NICOLAU que s’arroncèn en aqueste projècte qui’us permet uei d’exprimir lo lor talent e de’u hicar au servici deus lors convidats.
Camparou :
Descobritz l’enterpresa Camparòu e los lors produits, camparòus frescs (Cardoetas e Shitaké) cultivats a Monenh e en venta en circuèit brac ! Que possan ací !
Brasserie Béarnaise : Enstanquet a Pau qui presenta los sons produits en occitan e emplega la lenga tau servici e tà la comunicacion.
CIAPA : Tanlèu la soa origina, las soas missions qu’èran d’informar, d’escotar, de formar, de documentar, de gavidar e sostiéner los retirats, los tanhents lors, e los professionaus de tot lo departament e mei delà. De 2009 ençà, lo CIAPA que s’obreish tanben au sector deu handicap. Qu’estó atau que la denominacion de l’associacion e cambiè per « Comitat departamentau d’Intervencion e d’Animacion Entà l’Autonomia » ; lo mot « Autonomia » indicant aquera obertura.
Clos Labrée : Productors de vin blanc biò a la Capèra-de-Rossa (Juranson). En lo pèmont pirenenc, enter mar e montanha, lo Clos Labrée que produseish vins blancs de Juranson, amorós o secs en agricultura biologica sus las costèras de La Capèra-de-Rossa.
Clos Lapeyre : L’expleitacion familhau qu’èra tradicionaument consacrada a la policultura dab neurissatge, fruts petits e arrasims miats a la cava cooperativa. Lo Jean-Bernard Larrieu que cotiva las vinhas soas, que vinifica los arrasims, que hè vàder los vins sons, que’us embotelha e que’us ven, lo Clòs La Pèira qu’ei vadut !
L’enterpresa Eths Casaus Gascons, situada a Coarrasa, a proximitat de Pau e de Nai, dens los Pirenèus Atlantics, que’vs perpausa los lors servicis tà la creacion, l’aimanatjament e l’entertien deus espacis verds vòstes. Que’vs perpausam prestacions de tot tipe entaus Jardins, Parcs, Vergèrs, Seuvas, Bòscs, Arribèras, Casaus.
Lo vòste paisagista qu’intervien entau desbroishagatge, l’espleishatge, lo deserbatge, mès tanben tà l’amassada de huelhas mortas.
Descobritz lo bagolaire Jan Barrèra ; « Lo Jan de Buròs » hens lo son univèrs.
La Ganaderia : neurissatge vertadèr de vacas corsièras landesas e lo domèni de Buròs que v’arcuelhan tota l’annada.
Ua visita insolita, ludica e originau au còr de las tradicions gasconas e de la corsa landesa.
Dab o shens repaish, un moment conviviau en grop, enter amics o en familha entà descobrir au ritme vòste las riquèssas d’un patrimòni 100% naturau, 100% tradicionau.
La Belle Campagne : Descobritz lo restaurant, situat au miei deu quartièr Sent Pèir a Bordèu, Belle Campagne que’s presenta com ua tavèrna/taulèr locavòr qui’vs perpausa unicament produits frescs, de sason e locaus a l’entorn d’ua cosina creativa e de « finger-food ».
L’istòria nosta que comencè mei de 90 ans a. La familha Paradis que crea un obraderòt qui confecciona cauçaduras de montanha e cauçaduras de tribalh. Que liura dinc a París au « Bon Marché »…
Las matèrias purmèras que son francesas, dont cuèrs de purmèra qualitat. L’obrader que practica lo « a mesura » pr’amor cadun qu’ei unic.
A l’obrader Le Soulor, que cultivam lo saber har, lo har locau, la crompa duradissa e responsabla.
Macarel : Macarel qu’ei ua « enterpresa militanta ». La soa tòca qu’ei de difusir au mei larg la cultura e la lenga occitanas dab la mira de’us tornar la plaça qui s’ameritan en la societat, e d’agir au noste nivèu, entà har conéisher e ajudar las associacions e artistas occitans qui persegueishen tòcas similaras.
Situat au centre vila de Pau, au ras de la glèisa Sent Martin lo « Que’m platz » que v’arcuelha cada dia deu dimars au dissabte, en interior o en terraça.
Lo restaurant : produits deu terrador seleccionats dab suenh e exclusivament auprès de petits productors (carn, peish, legumatge, bevudas… gessits de l’agricultura biologica o rasonada).
Venta de produits deu terrador au país daqués.
En çò de TOT de CASA, qu’èm paisans passionament estacats a la tèrra e a las tradicions nostas.
En çò noste, ne trobaratz pas que produits locaus, produits autentics deu Biarn. Gessits de practicas responsablas e respectuosas de la natura, qu’an per mira purmèra de v’auherir ua qualitat gustativa superiora.
Vinta-quatre : La merca de vestits e accessòris de las colors deu Pèiregòrd. Gama ÒC.