• Français
  • Occitan

Ensenhament

Per delà l’ensenhament entaus adultes e la formacion professionau perpausats peu CFPÒC Novèla-Aquitània, ací qu’avetz estructuras autas d’ensenhament de l’occitan (e/o lo son desvelopament) peu parçan :

escola calandreta

Calandreta : La Confederacion Calandreta – Ensenhament laíc immersiu qu’a per tòca de sostiéner e promòver la lenga e la cultura occitanas mercés au tribalh de las escòlas Calandretas, establiments d’ensenhament laïc e a gratis, en bastir lo bilingüisme occitan-francés per immersion, en referéncia a la Carta dita « Carta Calandreta ».

OCBI

OcBi Aquitània : Associacion amassant pairs e ensenhaires, e qui a per tòca la promocion deu bilingüisme francés/occitan en l’ensenhament public.

association Pimponet

Pimponet : Pimponet qu’ei ua ninoèra bilingüe francés/biarnés. Qu’existeishen dus sites (Lobier de Baish e Laruntz) entà respóner au miélher aus besonhs de las familhas.

CAP’ÒC : Creat en 2001, lo CAP’ÒC, Centre d’Animacion Pedagogica en Òccitan, installat a Pau hens los locaus de l’ESPE, qu’ei un servici de la Direcion Territoriau deu Hialat Canopé entà las academias de Bordèu, Lemòtges e Peitius. Integrat au Hialat Canopé, lo CAP’ÒC qu’a per missions :  • L’edicion ; • La creacion de materiau pedagogic ; • La mesa a disposicion de ressorças ; • L’animacion de projèctes ; • La formacion iniciau e continua deus ensenhaires ; • L’acompanhament de las politicas lingüisticas.