• Français
  • Occitan

Qui èm ?

Qui èm ?

Lo Centre de Formacion Professionau en lenga e cultura OCcitanas, associacion lei 1901, qu’a per mission la promocion de la lenga e de la cultura occitanas, en tot arrespectar la varianta de lenga (gascon, biarnés, negue, lengadocian, bordalés, lemosin…), en las soas formacions e los sons cors.

Formacions professionaus a la carta

Lo CFPÒC Novèla Aquitània que’vs perpausa formacions adaptadas aus vòstes besonhs professionaus. Lo vòste especialista en formacion continua, individuau o en grop que’vs permet lo finançament de la vòsta formacion per la vòsta OPCA. La nosta experiéncia e las nostas competéncias que son reconeishudas dens los maines de l’ensenhament, de la cultura, de la santat, deu sociau, de las collectivitats e deu comèrci.

La nosta equipa de formadors qu’emplèga metòdes pedagogics innovants e que v’ensenha la mestresa de la lenga orau e/o escriuta entà correspóner eficaçament a la vòsta activitat professionau. Los nostes cors de lenga que s’inscriven hens un cursus elaborat au nivèu europèu peu miei deu QECRL (Quadre Europèu de Referéncia per las Lengas) entà aquesir un nivèu de lenga certificat a la fin de la vòsta formacion.

Los cors deu ser entaus adultes o Setmanèrs

Que desiratz parlar l’occitan biarnés, gascon, negue lemosin, lengadocian, o dens la vòsta varianta locau ; apréner a léger, a escríver l’occitan. Que sia per plaser, entà apregondir la vòsta cultura d’origina o anar cap a la descobèrta de la cultura deu vòste parçan, o que sia entà apréner la medisha lenga que los vòstes hilhs escolarizats en classa bilingüe o en Calandreta, que podetz passar los diplòmes A2, B1, B2, C1 o preparar-ve entau Diplòma de Competéncia en Lenga (DCL)

Un cors d’1h30 per nivèu un còp per setmana entà un aprentissatge regular en immersion progressiva tot lo long de l’annada, lo CFPÒC Novèla Aquitània que’vs perpausa cors au ras de casa :

  • 32 cors despartits en 4 nivèus,
  • 26 lòcs de cors,
  • ua equipa de 20 formadors au vòste servici,
  • mei de 300 aprenents en 2017,
  • dont 90 diplomats.

Los Setmanèrs que son hèits tà vos !

Lo CFPÒC Novèla Aquitània qu’ei membre deu hialat deus CFPÒ dab los Centres de Lengadòc e Mieidia-Pirenèus.

Carte de l'occitan en France