L’occitan : ua meivaluda, un marcador de hidança & de qualitat territoriau
La vòsta enterpresa que desira melhorar la soa visibilitat e har vàler los sons produits o servicis mercés a un emplec eficaç e corrècte de la lenga occitana : que trobaratz ací solucions au desvolopament qualitatiu de la vòsta activitat.
Aqueras enterpresas qu’emplegan déjà l’occitan :
- La botiga de vestits Adishatz
- Lo restaurant « locavòr » Belle Campagne a Bordèu
- La Brasserie Béarnaise e la soa famosa cervesa : “Shuc”
- Lo vitatge bio de Juranson : Le Clos Labrée
- Los vins de Juranson deu Clos Lapeyre
- L’estanquet-braceria Les Cadets
- La botiga de vestits, accessòris e soviers de las colors d’Occitania : Macarèl
- La merca de vestits e accessòris de las colors deu Pèiregòrd : Vinta-quatre
Testimòni :
Fabrice C.
Proprietàri de la botiga « Vinta-quatre », a Peireguers.
La gama occitana qu’ei ua de las quate gamas qui perpausam, que complèta las gamas Terrador, Espòrt e Preistòria. […] Que horneish clarament ua nocion d’identitat cap a la practica qui percep lo produit com mensh superficiau. Que diserí la tematica occitana que horneish sens a l’estetisme e au grafisme. Shens contèst la tematica occitana que platz. […]
Entà las autas practicas, qu’èm un deus nombrós apròchis de la cultura occitana. Los grafismes e mots emplegats que son sovent ua rason d’escambiar en botiga. Que seretz susprés deu nombre de personas qui demandan la significacion d’ « aquera estela ». En cambi, aqueths qui son ahuecats que’n son, cap e tot. Que recensam dejà mantuas practicas qui’s hasón tatoar lo noste lògo suu còs. La crotz occitana qu’espandeish ua cèrta fòrça e fiertat. Qu’ei simbèu d’apertenéncia e d’arraditz. Que vien compensar atau un numèro de Departament qui pòrta, eth, mensh de sens. Las practicas que i son sensiblas.
Har finançar la soa formacion
Si los cas son divèrs, las possibilitats de finançament de formacion que’n son nombrosas tot parièr. Que trobaratz a còp segur dens aqueth liberet ua solucion de finançament de la vòsta formacion professionau en occitan :
Léger : Finançament Formacion Professionau
Avetz un projècte ?
Que’vs podem ajudar a’u concretizar. Contactatz los nòstes responsables pedagogics.
Liberet perpausat per :
