Facebook
    LinkedIn
    YOUTUBE
  • Français
  • Occitan

Cultura

L’occitan : de mau evitar au còr de la cultura de Novèla Aquitània

Qu’ètz un actor culturau polivalent e que cercatz de variar la vòsta garba culturau e lingüistica : que trobaratz ací un interlocutor qui responerà a las vòstas atentas.

Aqueras associacions e organismes que ns’an dejà hèit hidança :

Testimònis :

Fanny L.

Cap-redactora de « La Setmana ».

L’occitan qu’ei com la màger part deus locutors e neolocutors, ua istòria de familha. En l’aver aprés a l’Universitat purmèr (a Bordèu) e dab lo CFPÒC mei tard, que’m permetó d’ahortir los ligams familhaus. Professionaument, l’occitan que m’ac apòrta tot puish a que l’emplègui tot lo long deu dia. Que soi jornalista tà La Setmana, jornau escriut sancèrament en occitan, en las soas diversas variantas.

Lo CFPÒC que m’a tostemps ajudat dens l’encastre deu men tribalh. La mea purmèra annada com jornalista Ràdio (Ràdio País), que seguii cors dab lo Centre tà completar lo men nivèu de lenga a l’orau, puish qu’èri mei formada a l’escriut. Que tornèi préner cors de lenga a la mea arribada a la Setmana en 2014.

formation occitan pour salariés et associatifs culture

Frédéric H.

Cargat de mission a l’Ostau Bearnés.

Qu’encontrèi l’occitan vertadèrament per escaduda quan caló causir ua opcion en classa de 4au. Per defauta, que causii occitan e aquiu qu’estó ua revelacion. Que comprení aquera lenga, que l’entení, que la vedí… Aquera lenga que formava partida deu men ADN shens que me n’avisèssi. Amorós d’aquera lenga, que voloi tot viste apregondir las meas competéncias e que cerquèi tot viste de saber quin tribalhar tot dia dab l’occitan.

Dens l’encastre deu men tribalh a l’Ostau Biarnés, que soi amiat, enter autas missions, a redigir mantun tèxte, ad arrevirar o enqüèra ad animar o préner la paraula en public en occitan. La formacion deu CFPÒC que’m permetó de boishar quauquas lacunas o quauquas maishantas costumas ponhastras, que’m permetó de melhorar lo men nivèu de lenga e doncas d’ahortir las meas competéncias professionaus e, tot simplament, de’m har mei hidança.

formation occitan pour salariés et associatifs culture

Har finançar la soa formacion

Si los cas son divèrs, las possibilitats de finançament de formacion que’n son nombrosas tot parièr. Que trobaratz a còp segur dens aqueth liberet ua solucion de finançament de la vòsta formacion professionau en occitan :

Léger : Finançament Formacion Professionau

 

Avetz un projècte ?

Que’vs podem ajudar a’u concretizar. Contactatz los nòstes responsables pedagogics.

Liberet perpausat per :

logo topformation