Formacion deus ensenhaires-formadors en occitan
Lo CFPÒC Novèla Aquitània que s’inscriu en ua dinamica d’enriquiment de las competéncias lingüisticas e culturaus deus ensenhaires-formadors, en los maines seguents:
- Formacion “Ensenhar” : formacion intensiva d’ensenhaires de l’Educacion Nacionau deu 1èr e 2au grad, tà l’obtencion de l’abilitacion en lenga regionau occitana, dab la mira de poder ensenhar la(s) lor(s) especialitat(s) en occitan a l’escòla publica.
- Formacion deus ensenhaires de Calandreta : dens l’encastre de la formacion continua, ua formacion qui permet un perfeccionament de las competéncias lingüisticas.
- Formacion deus futurs Regents de Calandreta : presentacion deu dispositiu de formacion deus candidats a ensenhar a Calandreta ; qui’s debana a Besièrs, en çò deus nostes partenaris deu CFPO Lengadòc.
- Formacion de formadors : presentacion deu dispositiu de formacion deus formadors en lenga-cultura occitanas, qui’s debana a Besièrs en çò deus nostes partenaris deu CFPO Lengadòc.