• Français
  • Occitan

Los estagis Parlar

Los estagis immersius « PARLAR »

Que son formacions que s’adreçan a un public de tot nivèu (pr’amor d’estar l’interaccion au còr de l’aprentissatge) e qui a per mira l’aprentissatge, la descobèrta e l’apregondiment de las coneishenças en lenga e cultura occitanas. Qu’an per mira la practica orau de la lenga, dens ua perspectiva accionau (préner lenga au truvèrs d’ua activitat).

Purmèrs pas dens l’aprentissatge de la lenga :

Deu cafè que’s beu tots amassa lo matin dinc a la fin de la jornada, las activitats que seràn en lenga occitana, e atau que’vs permeteràn de har en chic de temps progrès deus màgers. Auheritz-ve lo plaser d’apréner en tot profieitar d’ua visita guidada, d’un talhèr de dança o de canta…

Qu’ac averatz comprés, la pedagogia emplegada qu’ei particularament dinamica, interactiva e comunicativa, çò qui estimula l’aprenent, tanlèu lo purmèr dia, a exprimí’s en occitan, peu miei de basas gramaticaus aplicadas dens supòrts variats, conversacions, tribalhs de grops, jòcs de ròtle…

Ua pedagogia adaptada :

Mescla de cors teorics e de talhèrs ludics de practicas lingüisticas e culturaus, aqueths estagis que hican a l’aunor la comunicacion “PARLAR” dens ua atmosfèra de convivéncia en tot tiéner compte deus besonhs e de las atentas de tot cadun. Shens desbrembar la cultura : danças, sortidas, cantas…

ESTAGIS 2018-19

 Inscripcion entà l’estagi a viéner deu 09 de heurèr :  au format .pdf ; au format .doc

 

Stage / EstagiTarif / TarifaInscription / Inscripcion
24 Novembre/Noveme 201825,00 €Demande d'inscription
09 Février/Heurèr 201925,00 €Demande d'inscription
06 Avril/Abriu 201925,00 €Demande d'inscription
25 Mai 201825,00 €Demande d'inscription

Entà ua presa en carga (parciau o totau) d’aqueth estagi per un organisme, contactatz-nse.