Facebook
    Twitter
    YouTube
    LinkedIn
  • Français
  • Occitan

Estagi deu Conselh Departamentau : Auloron Senta Maria.

En l’encastre de la lor formacion professionau – e entà ua coneishença mei pregonda deus usatgèrs deu Departament – que’s debanè los 4 e 5 de deceme passats un estagi immersiu en lenga occitana, sus la tematica d’Auloron Senta Maria.

Lo programa qu’estó pro complet : qu’avóm lo parat de dar lo torn de la vila en tot escotar dab interés las informacions de las hitas apitadas per l’Ofici de Torisme en la lenga deu parçan, e donc descobrir l’Istòria autan com las particularitats locaus de la lenga (aspismes). Los membres de l’associacion Transmetem que ns’auherín après ua visita de la catedrau Senta Maria e la descobèrta de las quilhas de nau, en collaboracion dab l’Equipa d’Auloron era medisha, au quilhèr d’Estòs, au Sartolet – moment quan Ràdio Auloron e ns’entervistèn tà’n saber mei sus la jornada.

L’endedia qu’estó lo parat de har un punt sus tot çò de vist e entenut, entà’n poder har un compte rendut sus Ràdio País, on los jornalistas-estelas – lo Joan-Nadau Commères e lo Silvan Carrère – e’ns hasón ua presentacion de l’estructura e un enregistrament professionau, plan com cau.

Siatz atentius a las novèlas sus senglas ràdios lavetz, e mercés enqüèra a tot aqueth monde d’aver partatjat aqueths moments d’escambi e de valorizar la lenga tà transméter lo patrimòni locau !