• Français
  • Occitan

Estagi deu Conselh Departamentau 64 en imatges !

Lo dijaus e divés passats 6 e 7 de deceme qu’estón lo parat tà las agentas deu Conselh Departamentau 64 de víver dus dias d’immersion au près de locutors divèrs : au clòs Labrea dab la familha deu Thomas Pissondes (pair e hilh), a Pontac au talhèr deu Soulor, especialistas en cauçaduras de montanha (enter autes), e a Angais dab lo capdau de la federacion de las quilhas de 6, acompanhats lo divés per aprenents locutors deu cors d’Artigalotan. Que tribalhèm lo camp semantic de cada especialitat en amont au Centre Nelson Paillou abans de partir en reportatge sus plaça, micrò a la man entà entervistar los protagonistas de cada endret entà’n poder har ua restitucion radiofonica a Ràdio País.
Ací que troberatz en imatges lo debanar de las jornadas, e lèu lèu lo compte rendut de las nostas « dròllas de daunas » sus las ondas de Ràdio País ! Que volem arremerciar particularament tots los partenaris qui prenón lo lor temps e qui hasón possible un estagi autant complet, vosautes qui permetetz la transmission en lenga !