Lo programa PARLAR
Ua auta manèra d’apréner l’occitan. En mei deus cors tradicionaus, lo CFPÒC que’vs perpausa un escantilh de talhèrs dens los sons estagis PARLAR : danças, cantas, contes…Aquò en tota convivialitat e au ritme de cadun.
Un tèma diferent a cada estagi : la prima, Carnaval, teatre o cosina…Cadun que se’n saberà grat, tot lo long de l’annada ! Tots los trimestres, tornatz trobar los estagis « Dia de lenga », dus còps un dia per nivèu sus tres mes, formula mes leugèra, a disposicion de tots !
A cada periòde de vacanças escolaras , tornatz trobar dus nivèus de formacion intensiva a la lenga e a la cultura occitana :
VACACANÇAS D’ABÒR Nivèu debutant e avançat
« L’ESTAGI DE SEUVALADA » (vacanças d’Abòr)
Sejorn linguistic de 6 dias dab arcuelh en familhas occitanofònas, cors teorics per nivèu, practica dens las familhas d’arcuelh, conferéncias e animacions en occitan : qu’ei lo banh lingüistic qui favoriza l’aprentissatge de la lenga per ua imprenhacion intensiva.
Partenari : Silva Lata, IEO, Conselh generau deus Pirenèus-Atlantics
DE DECEME A FIN DE JUNH
Nivèu debutant: estagis Parlar de 3 o 4 dias entà apréner l’occitan e preparar lo diplòma d’Escapolaire A2
DE DECEME A FIN DE JUNH
nivèu avançat : estagis Parlar de 3 dias entà melhorar lo vòste nivèu en lenga, apregondir las vòstas coneishenças e preparar lo diplòma B2.
Tà las entrepresas.. .
Que desiratz formar lo vòste personau a la lenga e a la cultura occitana ? Lo CFPÒC, organisme de formacion agreat, que’vs perpausa los sons servicis : formacion individuau, o collectiva, continua, o discontinua, dens los vòstes locaus, o suu noste site.
Los setmanèrs
Un cors d’ua òra e mieja per setmana, per nivèu, tà un aprentissatge regular au long de l’annada, hòra vacanças escolaras…
Un moment d’immersion tà un aprentissatge regular.
E voletz parlar occitan ?
Apréner a’u léger e a l’escríver ?
Batalar e escambiar en aquesta lenga ?
Apréner-la tà ajudar los vòstes mainats escolarizats a Calandreta ?
E desiratz apregondir la vòsta cultura d’origina ?
E v’agradaré descobrir quauques caracteristicas de la cultura de la vòsta region ?
E voletz passar los Diplòmas d’Escapolaire-A2, e B2 ?
Los Setmanèrs que son hèits tà vosautes !
