Ua formacion tà un navèth mestièr !
Vadetz formador en lenga e cultura occitanas.
Ua formacion tà un navèth mestièr !
Entà animar estagis de formacion e préner en carga "Setmanèrs". Entà preparar los estagiaris au "Diplòma d’Escapolaire-A2" (diplòma de permèr nivèu en occitan gascon) e tau "Diplòma B2" (diplòma de segond nivèu)
Tà ajudar las collectivitats locaus tà la formacion deu lor personau, la traduccion de panèus, tà proposicions de visitas guidadas de monuments e d’informacion en Occitan, etc.
Qui’s pòt formar ?
Las personas qui an lo sens de la comunicacion e de las relacions umanas, qui mestrejan l’occitan a l’orau com a l’escriut, o au mensh qui’u parlan un drin e qui son motivadas tà l’apréner.
Aqueras personas qu’an a aver hami de promóver la lenga occitana e ensenhar-la aus adultes.
La formacion de formadors au Centre de Formacion Professionau Occitan
.
Que permet d’aquesir las competéncias claus deu mestièr de formador en lenga e cultura occitanas, qu’ei a díser qu’a la fin deus 10 mes de formacion cada estagiari que serà capable :
D’animar sessions de cors en sala dab ua mesa en situacion pedagogica progressiva concreta (participacion e animacion deus "estagis PARLAR" e deus "Setmanèrs"),
De preparar las soas intervencions en autonomia
De concéver ua accion de formacion deu començar a la fin en occitan tà ensenhar l’Occitan aus adultes.
Ua formacion completa en ua annada escolara
La formacion deus formadors "PARLAR" que comença au mes de seteme entà fenir au mes de julhet seguent. Qu’altèrna setmanas d’estagi teoric en centre a Ortès e a Besièrs (33 setmanas) e setmanas de practicas professionaus encadradas per formadors deu CFPÒC (9 setmanas).